Soch ❣️

Mein tumhe kabhi acchi , kabhi buri ,

Kabhi betookhi nazar aati hoon

Isme meri kya galti hai ,

Agar mein tumhe aaina dikhati hoon

Tumhe dikkat hai mujhse ,

toh khudko sudharo na !!

Agar gir rahi hoon mein ,

Toh tum hi sambhalo na

Ungliyaan uthate ho mujh par,

Kabhi apne aap se bhi yeh pucho na

Kya tum sahi ho ??

Kabhi andar apne bhi jhak kr dekhi na

Ab bhi bigda nahi hai kuch ,

Raah galat jane se khudko roko na

Soch hi kharab hai sabki ,

Yeh kehne par khudko toko na

Mein ban jaungi vahi ,

 jo tum mujhe banaoge

Badlav toh mujhme tab aayga ,

Jab tum use laoge

Samaz samaz keh kar ,

Apni zimmedari kaha nibhate ho?

Tum bhi toh hissa ho iska

Yeh kyon bhulate ho !!

Tol mol ke duniya ko ,

Tum bhi to vahi galtiya dohrate ho

Farkh  kya hai tumme ,

Tum bhi toh mukar jate ho

Thehro do pal...socho zara

Galat kaha hote ho

Kisi ka haq ujad ke  ,

Tum bhi toh chen se sote ho

Asaan hai mujhe kosna magar ,

Mein toh tumhari hi soch hoon

Meri apni zubaan kaha ,

Mein toh kabse khamosh hoon

- muskan.ks